Padamyar FM

ဒီစကားကတော့ ဘဝရဲ့မေးခွန်းတွေကို အတင်းကြီးလိုက်အဖြေရှာ နေခြင်းက သိပ်ပြီး အသုံးဝင်မှာမဟုတ်ဘူးဆိုတာကို ပြောပြထားတဲ့စကားတစ်ခွန်းဖြစ်ပါတယ်။ ကျွန်တော်တို့လူသားတွေအနေနဲ့ ပိုင်ဆိုင်ထားတဲ့ တစ်သက်တာဘဝဆိုတာ သိပ်ကိုမှ ရှုပ်ထွေးလွန်းလှပါတယ်။ မေးခွန်းပေါင်းများစွာကို ဘဝတစ်လျှောက်မှာ ဖြတ်သန်းနေရင်း ဖြေရှင်းနေရပါတယ်။ အဲဒီလိုဘဝက ပေးလာတဲ့ မေးခွန်းတွေအခက်အခဲတွေကို တအားကြီးအာရုံစိုက်ပြီး ဖြေရှင်းနေတာမျိုးကိုလည်း တတ်နိုင်သလောက် မလုပ်ဖို့ တိုက်တွန်းချင်ပါတယ်။ ဘာလို့လဲဆိုတော့ မေးခွန်းတွေကို အရမ်းကြီး အားစိုက်လေ ကိုယ့်ရဲ့စိတ်ထဲမှာ မွန်းကြပ်လေ၊ အဖြေနဲ့ ကိုယ်နဲ့က ပိုပြီးဝေးလေလေ ဖြစ်တတ်ပါတယ်။